Aspaldian jende askoren ahotan zebilen Meaka auzoko konpainia sortzearen ideia. Bereziki auzoari lotuta gaudenok sentitu izan dugu horren nahia eta beharra. Nahiz eta Meaka Irungo antzinako lau auzo zaharrenetarikoa izan, ez baitu gaur arte tokirik izan konpainia gisa alarde parekidean.

2025eko ekainaren 30ean, ordea, egoera horri amaiera emango diogu. Irungo kaleak ilusioz beteta zeharkatuko ditugu Alarde Parekidean Meakak lehenengo aldiz konpainia gisa desfilatuko duelako. Eta hala, aurrerantzean, belaunaldi berriek euren auzoko konpainian parte hartzeko aukera izan dezaten bermatuko dugulako.

Konpainian gaude Meakan bizi direnak, bizi izan direnak edota auzoarekin nolabaiteko lotura dutenak, jadanik beste konpainia batzuetan urteak desfilatzen daramatzatenak nahiz lehenengoz parte hartuko dutenak. Denok gogotsu gabiltza lanean berdintasunaren bidean aurrera pausuak ematen jarraitzeko konpromiso irmoarekin, jaiak guztiok elkarrekin goza ditzagun, inor baztertu gabe.

Eta noski, gonbidapena luzatzen dizuegu datorren ekainean gurekin jaietan parte hartu nahi duzuuen guztiei.

Gora Meaka, gora Irun eta gora San Martzial!